Wohl Dem Leibe歌词

Âne swære
ein vrouwe ich wære,
wan daz eine, daz sich sent
mîn gemüete
ûf sîner güete,
der er mich wol hât gewent.
Âne swære
ein vrouwe ich wære,
wan daz eine, daz sich sent
mîn gemüete
ûf sîner güete,
der er mich wol hât gewent.
Sol ich leiden
von im langez meiden,
daz müet mich wol sêre,
ich spriche im niht mêre,
wan daz er mich siht, daz sint sîn êre.
II
Mîn geselle,
swaz er welle,
daz muoz im an mir geschehen.
man sô guoten,
baz gemuoten,
hân ich selten mê gesehen.
Im gelîchen,
noch sô gemellîchen,
bei dem vür die swære
bezzer vröide wære.
iemer hœrt ich gerne seine mære.
III
Mîn gedinge
der ist geringe,
die wîle ich in lebendic hân.
swer in êret
und im mêret
vröude, daz ist mir getân.
Swaz er wolte,
daz ich lâzen solte,
daz konde ich vermeiden.
bœser liute neiden
wil ich im ze dienste gerne leiden.
IV
Wol dem leibe,
der dem weibe
solhe vröude machen kan.
mîme heile
ich gar verteile,
meidet mich der beste man.
Swes er pflæge,
swenne er bei mir læge,
Swes er pflæge,
swenne er bei mir læge,
mit sô vremeden sachen
könder wol gemachen,
daz ich seiner schimpfe müeste lachen.编辑于2023/05/09更新